loading...
6 apr 2017 08:20
...............
გაუფრთხილებლობით ყველაფერი ხუნდება და ფერმკრთალდება... ადამიანებისგან დიდი ყურადღება და პატივისცემა ბრიყვულად თავზე არ უნდა მიიწერო. არ უნდა ჩათვალო, რომ გეკუთვნის და იმიტომ გექცევიან, იმსახურებ და იმიტომ გთავაზობენ... პირიქით, ეს კეთლშობილური თვისებაა და ყველასთან თანაბრად ანაწილებენ. შენ თუ იგივეს ვერ დაუბრუნებ, ტალახში მაინც არ ამოსვარო ძვირფასი \"თვლები\"!... კეთილშობილება ადამიანის ისეთივე თვისებაა, როგორც ღიმილი, თავაზიანობა. შეიძლება შენთვის უცხო ხილი იყოს ამიტომ გიკვირდეს სხვისგანაც.
კომენტარი:0
6 apr 2017 07:51
))))
...ამბობენ ტყუილისგან ჯერ არავინ მომკვდარაო. მართალია..... არ მოკვდები. მაგრამ ტყუილისგან კვდება სული, რწმენა, მეგობრობა, სიყვარული და იქნებ ადამიანობაც.
კომენტარი:0
4 apr 2017 12:41
*******
იმ დღეს წვიმაც იყო, მზეც იყო, თოვლიც და ქარიც, მაგრამ არ იყავი შენ! მერე დაბინდდა, დაღამდა, იყო მთვარე, ვარსკვლავები, გრილი ნიავი, მაგრამ არ იყავი შენ! მერე თვალები დავხუჭე და ჩამეძინა... არავინ იცის გაუთენდება თუ არა ახალი დღე, მაგრამ მე გამითენდა... ნაბრძოლარმა, ნაბორგალმა სხეულმა სიცოცხლე იგრძნო და თვალები გავახილე. ადამიანები იტყვიან ხოლმე, ვინ იცის ხვალ რა იქნებაო, მაგრამ მე ვიცი! შენ არც ხვალ მოხვალ, არც ზეგ, არც მაზეგ, არც ერთი კვირის, თვის ან წლის შემდეგ, არც არასდროს... არასოდეს არ მოხვალ! ადამიანები იმასაც ამბობენ, ცხოვრება გრძელდებაო, მაგრამ რა არის ცხოვრების აზრი, მიზანი, მიზეზი და საერთოდ, რა არის ცხოვრება? რა გრძელდება, რაც არ ყოფილა და რაც ვიცით, რომ ადრე თუ გვიან დასრულდება?! მაშ რა ვქნა? ჩამოვუშვა ხელები და სიკვდილს დაველოდოო?_ იკითხავს ადამიანი. სიკვდილს არა! გარდაცვალებას უნდა ველოდოთ... ცხოვრებით არა! სიცოცხლით უნდა დავტკბეთ... ბედნიერება არა! სიყვარული უნდა ვეძებოთ და როცა ვიპოვით ყველას ვაჩვენოთ, გავუზიაროთ, ვაგრძნობინოთ, მივახვედროთ, რომ ეს არის ჩვენი დანიშნულება! ეს არის ერთადერთი მიზეზი იმისა, რომ დავდივართ და ფეხქვეშ მიწა არ გვენგრევა! ცხოვრების რა მოგახსენოთ, მაგრამ სიცოცხლე ნამდვილად გრძელდება, დედამიწაზეც და ცაშიც... სანამ ასე სურს დაუღამებელ ნათელს, ჩაუქრობელ სანთელს, მზეთა მზეს, მარადისობის განმკარგველ ერთადერთ არსებას, რომელსაც ვერ ვხედავთ, მაგრამ გვწამს უკუნითი უკუნისამდე
კომენტარი:0